რეგისტრაცია

კონსულტანტის გვერდი

თინათინ რუხაძე

გენერალური დირექტორი, თანადამფუძნებელი l ACT

თინათინ რუხაძე  “ეისითი” (ACT) თანადამფუძნებელი და გენერალური დირექტორია. თინათინი არის, სერიული ანტრეპრენერი, ბიზნეს-ლიდერი და მენეჯერი 20 წლიანი გამოცდილებით. იგი ასევე არის ფსიქოლოგი (MS), მენეჯმენტ კონსულტანტი (MBA), სერტიფიცირებული საერთაშორისო ქოუჩი და NLP პრაქტიკოსი.

სამუშაო ენა: GEO ENG RUS

ლიმიტი მხოლოდ ჩვენს ფიქრებშია

review 3 რეკომენდაცია

მიმართვა: ჩემი ცხოვრება და მუშაობა ეფუძნება რწმენას, რომ ადამიანის შესაძლებლობები უსაზღვროა. სწორედ ეს რწმენა მეხმარება დავინახო ლიდერებში, გუნდებსა თუ ორგანიზაციებში მათი განსაკუთრებული ძალა და შესაძლებლოები, და ჩემი გამოცდილებითა და კომპეტენციებით დავეხმარო მათ ამ პოტენციალის გახსნასა და გაძლიერებაში. 

გამოცდილება

თინათინ რუხაძე 2002 წლიდან საკონსულტაციო კომპანია “ეისითი”-ს (ACT) დამფუძნებელი და გენერალური დირექტორია.  “ეისითი” სწორედ მისი მენეჯმენტის ქვეშ გახდა ჯერ საქართველოს ყველაზე დიდი კვლევითი-საკონსულტაციო კომპანია და ბაზრის ლიდერი, შემდეგ კი დაიწყო საერთაშორისო ექსპანსია. დღეისთვის კომპანიას ოფისები აქვს საქართველოში, აზერბაიჯანსა და ყაზახეთში, საიდანაც ოპერირებს 20-ზე მეტ ქვეყანაში. თინათინი დღესაც წარმატებით განაგრძობს “ეისითის” მართვასა და ბიზნესის გლობალურ განვითარებას.  გარდა ამისა, თინათინი, როგორც კომპანიის წამყვანი კონსულტანტი და ბიზნეს-ქოუჩი ჩართულია ეისითის პროექტებში და სტრატეგიულ კონსულტაციებს უწევს, როგორც კერძო ასევე საჯარო ორგანიზაციების ლიდერებს სხვადასხვა ქვეყანაში. 

თინათინი ასევე აქტიურად იყო ჩართული საგანმანათლებლო საქმიანობაში - 2007 წლიდან სხვადასხვა დროს, ის კითხულობდა ლექციებს შემდეგ ინსტიტუტებში: თავისუფალი უნივერსიტეტი , კავკასიის ბიზნეს სკოლა, საერთაშორისო ბიზნესის სკოლა (ISB) და საქართველოს უნივერსიტეტი (Georgian University). ხოლო 2015 წელს თინათინ რუხაძემ პარტნიორებთან ერთად დააფუძნა საქართველოში პირველი ქოუჩინგ-კომპანია “გროუინი” (GROWIN), რომელიც Erickson College International-ის ოფიციალური წარმომადგენელი გახდა საქართველოში. დღეს თინათინი პიროვნული განვითარების, მოტივაციისა და ლიდერობის მიმართულებით რამდენიმე წარმატებული პროგრამის ავტორი და ქოუჩია. იგი "გროუინის" ბაზაზე ასევე ატარებს დახურულ ტრენინგებს ორგანიზაციებისთვის, სტრატეგიული შეხვედრების ფასილიტაციასა და ტოპ-მენეჯმენტის პერსონალურ ქოუჩინგს.

საკუთარი ბიზნესის მართვისა და ქოუჩინგური პრაქტიკის პარალელურად, თინათინ რუხაძე 2003 წლიდან დღემდე ჩართული იყო და არის სხვადასხვა სფეროს ბიზნესების მართვაში, როგორც თანადამფუძნებელი, ინვესტორი ან სამეთვალყურეო საბჭოს წევრი: მაგალითად, მიკროსაფინანსო ორგანიზაცია „ლაზიკა“, ტურისტული კომპანია „ბითიელი“ (BTL) , HR აუთსორსის კომპანია “ვან ფოინთი“ (One Point), სამშენებლო კომპანია „TR construction”, რესტორანი „9 მთა“, სხვ.

2014 წელს თინათინი აქტიურად ჩაერთო საზოგადოებრივ ცხოვრებაში და წვლილი შეაქვს მის განვითარებაში. სწორედ ამ მიზნით, მან თავის თანამოზარეებთან ერთად დააფუძნა ქალთა ბიზნეს-ასოციაცია “Women for Tomorrow”, რომელშიც მას ჯერ თავმჯდომარის პოზიცია ეკავა, ამჟამად კი მმართველი ბორდის წევრია.

2016 წელს Forbes Women Georgia-მ თინათინ რუხაძეს, ბიზნესში მისი განსაკუთრებული მიღწევებისათვის, მაისის ნომრის ყდა და ვრცელი ინტერვიუ დაუთმო. 2018 წელს კი, თინათინი გახდა ვუვ კლიკოს პრესტიჟული კონკურსის გამარჯვებული. Clicquot Business Woman Award-ს საქმიანი ქალი ბიზნეს ლიდერების „ოსკარს“უწოდებენ და მთელ მსოფლიოში აჯილდოვებენ ქალებს, რომლებმაც თავისი წვლილი შეიტანეს გლობალური ეკონომიკისა და ბიზნესის განვითარებაში.

განათლება

2017-2019

ბიზნეს-ადმინისტრირების მაგისტრი (MBA), სპეციალიზაცია - მენეჯმენტ კონსულტანტი, გრენობლის ბიზსნეს სკოლა (Grenoble Ecole De Management, Grenoble Graduate School of Business. გრენობლი, საფრანგეთი)

2017

NLP-ის ლიცენზირებული პრაქტიკოსი, (Richard Bandler, The Society of Neuro-Linguistic Programing, ლონდონი, დიდი ბრიტანეთი)

2014-2015

სერტიფიცირებული საერთაშორისო პროფესიონალი ქოუჩი, ერიქსონის საერთაშორისო ინსტიტუტი, ყაზახეთის ფილიალი (Erickson Coaching International).

1995-1998

ფსიქოლოგიის ასპირანტი, თსუ, თბილისი, საქართველო

1990-1995

ფსიქოლოგიის მაგისტრი, თსუ, თბილისი, საქართველო


გარდა აკადემიური განათლებისა, თინათინ რუხაძეს გავლილი აქვს 10-ზე მეტი საერთაშორისო პროგრამა ისეთი მიმართულებებში როგორიცაა: ლიდერობა, ხარისხის მართვა, ბიზნესის სტრატეგიული მენეჯმენტი, მენტორობა, სხვ.

რეკომენდაციები

მარეხი გვარამაძე | Kant's Academy
27/09/2020 19:38

"კომპასის გასწორება" ასე შევაფასებდი ერთი შეხედვით მცირე, თუმცა წარმოუდგენლად პროდუქტიულ 1 საათს. 

რთული წარმოსადგენია 1 საათში შეიძინო კონკრეტული ცოდნა, უნარი, "ხერხები", მოტივაცია თუ ხედვა, რომელიც შენი პიროვნული, თუ ორგანიზაციული კომპასის გასწორებას სჭირდება, თუმცა ეს ნამდვილად იყო ის 1 საათი, რომელმაც მე ეს მომცა. მოახდინა ჩემი ფოკუსის გასწორება ყველაზე მნიშვნელოვან, ფუნდამენტურ საკითხებზე, რომლის მართვის და დაძლევის შემდეგ ყველა სხვა პროცესი გაცილებით მასშტაბური და ეფექტური იქნება. მიუხედავად იმისა, რომ ორგანიზაციული მართვის პროცესში, თეორიულ დონეზე გააზრებული მქონდა სწორი მართვის თუ სტრატეგიული განვითარების პროცესები, ამ შეხვედრის ფარგლებში დასმულმა სწორმა შეკითხვებმა და უდიდეს გამოცდილებაზე დაფუძნებულმა ხედვებმა, მომცა მოტივაცია, რომ პროცესები, რომელზე ფიქრიც არც თუ ისე დიდი ხნის წინ დავიწყეთ ორგანიზაციაში, კიდევ უფრო სწრაფად, ეფექტურად და მასშტაბურად განვახოციელოთ მისმა დამფუძნებლებმა. მადლობა თიკა, საოცრად მოტივაციური ენერგეტიკის მატარებელი ხართ!

იხილე ვრცლად დახურვა
ნიკა გეთიაშვილი | MNG
27/09/2020 19:38

ძალიან საინტერესო იყო. როდესაც საქმიანობ სხვადასხვა სფეროში, ხშირად გებადება კითხვები რამდენად სწორედ იღებ გადაწყვეტილებებს. რამდენად კარგად მართავ. მითუმეტეს როდესაც ასეთი კრიზისული სიტუაციაა... მადლობა ძალიან სასარგებლო რჩევებისთვის და იმ სწორი მიმართულებებისთვის, რომელიც დამანახეთ. ასეთი ტრეინინგის შემდეგ ორჭოფობა ქრება და მოქმედების დრო დგება

იხილე ვრცლად დახურვა
ტატო ვაჭარაძე | Bene Creative
27/09/2020 19:38

თითქოს ახალი სისხლი გადამისხეს 

ჩვეულებრივი ფიზიოლოგიური წყლის გადასხმასაც კი ერთ საათზე მეტი ჭირდება, თუ ვინმეს ჩემი მოტივირება ერთ საათში ესე შეეძლო ნამდვილად ვერ წარმოვიდგენდი. 

ალბათ, რომ არა ეს ვირუსი ასეთი წარმატებული ადამიანები ვერასდროს შეძლებდნენ ამდენი დრო დაეთმოთ ჩვენთვის მათი გრაფიკიდან გამომდინარე. წარმოიდგინეთ ერთი საათი Face to Face Online ზიხარ ტოპ მენეჯერთან და ანტერპრენერთან რომელსაც ქირაობენ გიგანტი კომპანიები აზრის საკითხავად და ეს ადამიანი შენს სტარტაპ ბიზნესზე რჩევებს გაძლევს. 

მე პირადად სულ სხვანაირად შევხედე ადამიანური რესურსების მართვას, ჩემ როლს მათ ნებისმიერ წარმატებაში თუ წარუმატებლობაში, ჩემს ჩართულობას მათ თვითორგანიზებაში, ბოსობას რომ ლიდერობა ჯობია, რითი ვუწყობ ხელს მათ იმ საქციელებს რომელიც მაბრაზებს და უამრავი სხვა. გარდა ამისა დავიწყე მასიური ონლაინ შეხვედრების კეთება ჩემ გუნდთან და ორ დღეში ისეთი შედეგი მივიღე, იმხელა მოტივაციას ვხედავ მათში, თითქოს უბრალოდ ღილაკზე უნდა დამეჭირა თითი, უბრალოდ არ ვიცოდი ეს ღილაკი რომელი იყო. 

აუცილებლად გამოიყენეთ ეს შანსი მეგობრებო, არამგონია კიდევ დადგეს ესეთი დრო, რომ ამხელა ცოდნის და გამოცდილების მქონე ადამიანებთან შევძლოთ ჩვენს პრობლემებზე და გამოწვევებზე საუბარი. მადლობა მთელს ჯგუფს და პირადად თინათინ რუხაძეს, ჩემგან და მთელი ბენე კრეატივის სახელით

იხილე ვრცლად დახურვა

დაამატე რეკომენდაცია

bg